السلام عليكم ورحمة الله وبركاته
ناس كتيرة فاهمة إن الطفل لما بيعيط ويصرخ بيبقى يا جعان يا عايز يغير وده الخطأ الشائع اللي بيقع فيه أهالي كتيرة .. الطفل بيعيط في حالات غير كده ومنها :
- لو جعان
- لما يشبع
- لما يهضم الأكل
- لما يخرجه
- لما يعوز ينام
- لما يصحى من النوم
- وهو صاحي على مدار اليوم
- لو حاسس بوجع
- لو حاسس بوحدة
- لو حاسس إن فيه حد تاني في حياتك
- لما بيتخبط وهو بيلعب
- لما يلعب وميتخبطش
- لما تكون عايز تنام
- لو عندك ضيوف
- لو الناس سكتت في السينما عشان الفيلم بدأ
- لو عندك شغل ومركز
- لو حاول يدخل رجله في بقه ومعرفش
- لو عرف يدخل رجله في بقه ولقى طعمها وحش
- لما تقعله هدومه
- لما تحاول تلبسه تاني
- لو دقنك شوكته
- لو حلقت دقنك وشكلك اتغير ومعرفكش
- لو نفسه في حاجة ومش عارف هي ايه
- لما الجو يبرد
- لما الجو يبقى حر
- لما تشوطه من زهقك
- لما النسيم بيعدي بين شعرك حبيبتي
هي دي الأسباب الطبيعية اللي أي طفل ممكن يعيط بسببها وفي كل الحالات التصرف الطبي الصحيح هو .. سد ودنك !
ليست هناك تعليقات:
إرسال تعليق